25/12/2020
La bela ciantia ladina del Canori “Te cianal de legn"
N don da Nadal de l’Ensemble Canticum Novum: le ousc di ciantores compagnade da n bel video da poder veder insnet sul canal youtube de la Corala.
La Corala de Moena vidada dal maester Ilario Defrancesco, te chest temp senester che no ge permet a Cores e Museghe de far si conzerc da Nadal dal vif, la se à pissà de enjignar n bel video col toch da Nadal per ladin più cognosciù te Fascia e che ence l Canticum Novum à conscidrà l più rapresentatif: Te Cianal de legn, de Luigi Canori, inom d’art de Ermanno Zanoner del Gabana, l componist e autor più produtif de Moena.
Sul canal Youtube de l’Ensemble Canticum Novum se pel scutar le ousc di ciantores e veder l bel video che l’é stat enjignà desche n picol segn per portar mingol de luster te sto moment coscita senester e ge porjer a duc, ensema con i augures de Bon Nadal, mingol de serenità e de speranza per l davegnir, con la segureza che del 2021 le ousc de l’Ensemble Canticum Novum le podarà endò ressonar forte e melodiouse.
https://www.youtube.com/watch?v=mtQ30FQJsmkS
< indietro